| 咁耐冇寫，update 下先~~~ 前排 7 月 13 日就做左老襯喇，個晚歡天喜地咁玩左一晚，勁開心。過幾日睇埋 D 相就仲開心呀！想睇相既黎呢到，登入密碼打俾我就話你知，個到咩相都有得睇呀！ 結左婚，多左個人同自己生活，當然唔同左，但係遲 D 又多一個，就係我地個囡囡喇。呢排成日行永安呀，吉吉島呀，海港城呀，行到腳軟呀。不過所有既一切一切都好開心，呵呵呵~~~ 宜家都係忙住幫呀 B 囡準備佢既日常所需，好多野搞，仲多過結婚個陣。要睇好多野，睇到頸都梗埋~~~ 仲有就係，第一次俾人驚喜到咇左滴淚出黎，多謝老婆！ |
| |
| 好耐冇寫，好多野想講，但係唔可以係到講，可以點~~~ |
| |
| 各位鄉親父老，叔伯兄弟，大哥大姐，小哥小姐，豬朋狗友，男女老幼，我有重要事情宣佈！ 我今日求婚成功喇~~~可喜可賀~~~哈哈哈~~~實在太開心喇！個日早 D 黎飲~~~ |
| |
| 今次我又做錯野喇！我唔會再講呃我老婆喇！仲有應承唔會同女仔單獨出街啦，有咩心事都同老婆講啦，同埋唔再講大話啦！對唔住老婆！ |
| |
| 上一個月簡直就係忙到癲呀~~~ 又要準備考試 (本來一科簡單野，突然多左兩科，變左三科)。宜家剩返一科，但係有八百幾頁，有排睇~~~ 工作上有 D 變動，本來係幾好，但係又驚自己做唔黎，搞到好驚下(以我性格，就梗係等我一個人驚啦！冇俾人知)。結果做落都好好彩咁樣，都算順順利利，個心都定 D 啦！Everything under control! 不過咁，以上咁多野就搞到我心又煩，意又亂，搞到我忽略左我個老婆添。佢間變態公司 and 變態同事都癲癲地既，搞到佢同我一樣心又煩，意又亂。結果兩個就心勁煩，意勁亂。宜家 D 野都完成七八成，可以諗 D 野 tum 返老婆先。聖誕搞咩好呢？等我諗多 D 野先~~~ 老婆！等住黎！我要將最好既，俾我最愛既！ |
| |
